Tetesi za Soka Ulaya Ijumaa: Man Utd, Liverpool na Newcastle zapigana vikumbo kwa Anderson

Manchester United inamfukuzia Elliot Anderson, 23, kuwa mbadala wa mchezaji wa kimataifa wa Brazil Casemiro, 33, lakini inakabiliwa na ushindani kutoka kwa Liverpool na Newcastle kumsajili kiungo huyo wa England na Nottingham Forest ambaye thamani yake inakadiriwa kuwa pauni milioni 100. (Times – usajili unahitajika)

Arsenal inataka kumsajili kiungo wa kati wa Napoli na Scotland Scott McTominay, 28, lakini Tottenham, Everton na Manchester United pia zina. (Team talk)

Crystal Palace imefufua tena hamu yake ya kumsajili mlinzi wa Sporting Ousmane Diomande mwezi Januari, baada ya kumuorodhesha mchezaji huyo wa kimataifa wa Ivory Coast msimu uliopita kuchukua nafasi ya Marc Guehi, wakati mlinzi huyo wa England, 25, alipotarajiwa kujiunga na Liverpool. (A Bola – kwa Kireno)

Liverpool, Tottenham, Manchester United, Manchester City na Arsenal zinapigana vikumbo kusaka saini ya winga wa Bournemouth na timu ya taifa ya Ghana Antoine Semenyo, 25. (Talksport)

Sunderland have not ruled out a January move for Lazio and France midfielder Matteo Guendouzi, 26, who could be available for £22m to £26m (Northern Echo), external

Arsenal inakaribia kufikia mkataba mpya ya muda mrefu na Bukayo Saka. Mkataba wa sasa wa winga huyo wa England aliye na umri wa miaka 24 utamalizika mwaka 2027. (Sky Sports)

Harakati za klabu ya Tottenham ya kumsaka kusaka mfungaji bora wa mabao zimetua kwa mshambuliaji wa Porto na Uhispania Samu Aghehowa, 21. (Teamtalk)

Hata hivyo,Tottenham inakabiliwa na ushindani kutoka kwa Chelsea na Manchester United kusajili mshambuliaji huyo wa zamani wa Atletico Madrid. (Caught offside)

Beki wa Crystal Palace Chadi Riad huenda akakihama klabu hicho kwa mkopo wakati wa uhamisho wa wachezaji wa mwezi Januari. Mchezaji huyo wa kimataifa wa Morocco, 22 yuko mbioni kujiimarisha uwanjani baada ya kupata majeraha mawili makubwa. (Sky Sports)

Wolves imemfanya kipa wa Manchester City James Trafford,23, kuwa shabaha yake kuu ya uhamishi wa Januari mwakani. (Team talk)

Lakini Manchester City huenda wakamtoa Trafford kwa Newcastle kwa kwa dili la mchezaji pamoja na pesa ili kupata huduma za beki wa pembeni wa England Tino Livramento, 23. (Team talk)

Kiungo mshambuliaji wa England Harvey Elliott, ambaye kwa sasa anakipiga kwa mkopo Aston Villa, ananyatiwa na vilabu vya Bundesliga na Serie A, huku klabu mama ya Liverpool ikiwa tayari kumuuza mchezaji huyo mwenye umri wa miaka 22 kwa bei iliyopunguzwa. (Football Insider)

Inter Milan wana nia ya kumsajili mlinda lango wa Argentina Emiliano Martinez, 33, huku Aston Villa wakiwa tayari kupokea ofa kwa ajili ya mchezaji huyo. (Football Inside)

Liverpool inapigania kumbakiza winga chipukizi wa England Joshua Abe, huku Arsenal na Chelsea zikimfuatilia mchezaji huyo mwenye umri wa miaka 15. (Mail – usajili unahitajika)