Waziri wa Afya nchini Ethiopia Mekdes Daba amesema serikali ya nchi hiyo, ambayo ilitangaza mripuko huo wa Marburg siku ya Ijumaa, ilifanya uchunguzi wa visa 17 vilivyoshukiwa kuwa vya ugonjwa huo.
Daba amesema kwasasa hakuna visa vipya vilivyogundulika lakini serikali inachukuwa hatua za kinga.
Maafisa wa afya wapelekwa kusaidia hali nchini Ethiopia
Kundi la wataalamu kutoka Shirika la Afya Duniani na Vituo vya Afrika vya Kudhibiti na Kuzuia Magonjwa vimepelekwa kusaidia katika upimaji na udhibiti wa ugonjwa huo.
Ugonjwa wa Marburg husambaa kwa kugusana na watu wenye ugonjwa huo. Dalili zake ni pamoja na homa, maumivu ya misuli na kuhara .
Ikiwa haukutibiwa, ugonjwa huo wa Marburg unaweza kusababisha vifo vya hadi asilimia 88 kwa watu wanaougua.