Muungano wa Oxford umeutaja utawala wa Kizayuni wa Israel kuwa ni tishio kubwa kwa amani na usalama wa eneo la Asia Magharibi.
Muungano wa Oxford, katika jukwaa la mijadala lililoidhinishwa na Chuo Kikuu cha Oxford, umetoa uamuzi wake kwamba, licha ya madai ya baadhi, utawala wa Israel unatambuliwa kuwa tishio kubwa katika eneo la Asia Magharibi, na si Iran.
Mjadala huo ulifanyika kwa ushiriki wa Waziri Mkuu wa zamani wa Mamlaka ya Palestina, Mohammad Shtayyeh na wakili wa haki za binadamu Hillel Neuer, na ulilenga kuchunguza nafasi ya utawala wa Israel katika machafuko na utulivu wa eneo la Magharibi mwa Asia.
Katika kutetea mtazamo huo, Shtayyeh aliuita utawala wa Kizayuni wa Israel kuwa ni “utawala wa kikoloni unaopenda kujitanua” ambao mara kwa mara hukiuka maazimio ya Umoja wa Mataifa, huchukua hatua zisizo za kisheria na kufuata sera za ubaguzi wa rangi dhidi ya watu wa Palestina.
Waziri Mkuu wa zamani wa Mamlaka ya Palestina pia alizungumzia uvamizi, uhalifu na mauaji ya halaiki yaliyofanywa na utawala wa Israel, akisisitiza kwamba utawala huo ndio chanzo kikuu cha ukosefu wa utulivu kwa kuitumbukiza kanda hiyo katika migogoro ya mara kwa mara.
Wajumbe wa Muungano wa Oxford wameidhinisha azimio hilo kwa wingi wa kura 278 zilizounga mkono na 59 zilizopinga, wakiutangaza utawala wa Israel kuwa “utawala wa ubaguzi wa rangi unaohusika na mauaji ya kimbari.”
Kura hiyo na wanachama wa Muungano wa Oxford ilifanyika huku utawala wa Kizayuni wa Israel ukikabiliwa na kesi ya mauaji ya kimbari katika Mahakama ya Kimataifa ya Haki.
Utawala katili wa Israel pia ulishambulia ardhi ya Iran mwezi Juni mwaka huu na kuua shahidi zaidi ya watu elfu moja, wakiwemo wanasayansi wa nyuklia na raia wa kawaida, jambo ambalo ni ukiukaji wa wazi wa sheria za kimataifa za vita.