Timu ya mpira wa mikono ya Mamlaka ya elimu na mafunzo ya ufundi stadi (VETA), imeibuka kidedea baada ya kuifunga timu ya NACTVET magoli 14 kwa 12 katika mashindano ya Shirikisho la Michezo la Mashirika ya Umma Taasisi na Makampuni Binafsi Tanzania (SHIMMUTA) yanayofanyika mjini Morogoro.
Mchezo huo umefanyika leo katika viwanja vya Magadu vilivyopo mjini Morogoro.
Akizungumza mara baada ya kumalizika kwa mchezo huo, nahodha wa timu ya VETA Amina Juma amesema ushindi uliopatikana umetokana na wachezaji kufanyia kazi maelekezo ya kocha pamoja na kujituma kwa kila mchezaji.
“Nimefurahi kwa ushindi tulioupata tunaahidi kuendelea kujituma ili kuiwakilisha VETA vizuri” amesema Amina
Kwa upande wake kocha wa timu hiyo Emanuel Majengo amesema amefurahishwa na mchezo wa leo kwani wachezaji wameonesha juhudi pamoja na kujituma mpaka kupata ushindi huo.
Mashindano hayo yameanza Novemba 25 na yatahitimishwa Desemba 6, 2025.
(Feed generated with FetchRSS)