Mradi wa kudhibiti Malaria (Target Malaria) uliozinduliwa mwaka 2012 nchini Burkina Faso ulilenga kurekebisha vinasaba vya mbu wa kiume ili kuwafanya washindwe kuzaa katika jaribio la kupunguza idadi ya mbu katika eneo la Kusini mwa Jangwa la Sahara. Jaribio hili lilizua mgawanyiko mkubwa nchini.
Imechapishwa:
Dakika 1 Wakati wa kusoma
Matangazo ya kibiashara
Mradi uu wa kudhibiti malaria nchini Burkina Faso Target Malaria hautafika mbali. Siku ya Ijumaa, Agosti 22, Wizara ya Utafiti na Ubunifu ya Burkina Faso ilitangaza kusitishwa moja kwa moja kwa shughuli zake kote nchini.
Programu hii inayoongozwa na Taasisi ya Utafiti wa Sayansi ya Afya ya Bobo DioulassoI ambayo inafadhiliwa kimsingi na wakfu wa Marekani—ikiwa ni pamoja na Bill & Melinda Gates Foundation na Open Philanthropy—, ililenga kazi yake juu ya mbu, waenezaji wa maambukizi ya magonjwa. Lengo lake lilikuwa kupunguza idadi ya mbu katika eneo la Kusini mwa Jangwa la Sahara kwa kurekebisha vinasaba vya mbu dume ili kuwafanya washindwe kuzaa na hivyo kuwazuia mbu wa kike kuzaa watoto wanaoweza kuishi.
Ingawa awamu ya pili ya jaribio la operesheni hiyo—utoaji wa pili wa mbu waharibifu—ulifanyika mwezi mwaka huu, hakutakuwa na matoleo mengine kwa wakati huu. Wizara ya Utafiti na Ubunifu ya Burkina Faso pia inabainisha kuwa “vizio vyote vilivyo na mbu waliobadilishwa vinasaba vimezuiwa tangu tarehe 18 Agosti 2025” na inahakikisha kwamba sampuli zitaharibiwa kwa mujibu wa itifaki iliyobainishwa.
“Kanuni ya tahadhari”
Kwa upande wao, viongozi wa mradi wa Target Malaria wanasikitishwa na uamuzi huu na kubainisha kwamba wamefanya kazi tangu mwaka 2012 kwa “kufuata sheria za kitaifa za Burkina Faso.” “Shirika la Kitaifa la Usalama wa Mazingira na shirika la taifa la Tathmini ya Mazingira walijibu vyema ombi la idhini ya kutekeleza uwasilishaji unaodhibitiwa wa mbu waliobadilishwa vinasaba,” wamesema katika taarifa kwa vyombo vya habari.
Mradi wa Target Malaria, hivi majuzi, ulikosolewa na muungano unaofuatilia shughuli za teknolojia ya kibayoteknolojia nchini Burkina Faso. Msemaji wake, Ali Tapsoba, alisema hasa kwamba uundaji wa jeni unaotumiwa kwa mbu wa kiume unapaswa kutekelezwa “kwa kufuata kikamilifu kanuni ya tahadhari.”