Baada ya mvua mbaya na maporomoko ya matope katika mkoa wa Khyber Pakhtunkhwa, kaskazini mwa Pakistan, mvua kubwa inasababisha mafuriko katika mkoa wa Punjab. Katika eneo hili lenye watu wengi nchini, zaidi ya watu milioni 1.5 wako katika maeneo yaliyo katika hatari ya kuzamishwa au tayari yako chini ya maji.
Imechapishwa:
Dakika 1 Wakati wa kusoma
Matangazo ya kibiashara
Mito mitatu huko Punjab imepasua kingo zake. Mvua za masika nchini Pakistan ndizo husababisha hali hii. Siku ya Jumamosi, Agosti 30, mvua kubwa ilinyesha Lahore, mji mkuu wa mkoa. Siku ya Alhamisi, Agosti 28, kitongoji chenye majumba ya kifahari kilichojengwa na tajiri wa mali isiyohamishika kilizama kwa sababu ya ukosefu wa mitaro ya kutoa maji taka. Maji yalikuwa bado yalijikusaya katika eneo hilo siku ya Jumamosi asubuhi. Pia maji yanazidi kujaa kutokana na mafuriko nchini India. Hapa ndipo mito hii ya Indus inapotoka.
Kutokana na kuongezeka kwa viwango vya maji, Mamlaka ya Kudhibiti Maafa ya Punjab inadai kuwa inaendesha “operesheni kubwa zaidi ya uokoaji katika historia yake.” Uhamisho wa takriban watu 500,000 kutoka vijiji 2,300 umeombwa. Sehemu za mapokezi, zikiwemo shule zilizofungwa kwa likizo, zimefunguliwa ili kuwahudumia waliokimbia makazi yao. Baadhi ya mifugo pia imehifadhiwa: baadhi ya wanyama 400,000 wamehamishwa.
Zaidi ya vifo 800 tangu mwezi Juni
Zaidi ya boti 800 na zaidi ya waokoaji 1,300 wametumwa, lakini vifo 30 bado vimeripotiwa, mkurugenzi wa Mamlaka hiyo, Irfan Ali Khan, amesema katika mkutano na waandishi wa habari. Zaidi ya makazi 500 yamefunguliwa kwa waliokimbia makazi yao, ambao wengi wao sasa wanaishi shuleni, ambazo kwa sasa zimefungwa kwa likizo. Kwa jumla, idadi ya vifo kutokana na vipindi mbalimbali vya monsuni tangu mwishoni mwa Juni imefikia zaidi ya 800.
Monsuni ni muhimu kwa kilimo muhimu cha Punjab, lakini mabadiliko ya hali ya hewa yanafanya vipindi hivi kuwa visivyotabirika na kusababisha vifo. Mnamo mwaka 2022, mvua kubwa iliathiri karibu theluthi moja ya nchi, na kusababisha vifo vya watu 1,700 na hasara kubwa ya mazao.