Chanzo cha picha, Getty Images
-
- Author, Selin Girit
- Nafasi,
Msako mkubwa unaendelea nchini Marekani kwa ajili ya kumtafuta muuaji wa mmoja wa wandani wakuu wa kisiasa wa Rais Donald Trump, Charlie Kirk.
Mwanaharakati maarufu wa mrengo wa kulia alikuwa akizungumza katika chuo kikuu cha Utah Jumatano alipopigwa risasi shingoni na kufariki dunia muda mfupi baadaye.
Utambulisho wa muuaji na sababu za kitendo hicho bado hazijajulikani, lakini Rais Trump na Gavana wa jimbo la Utah wameunganisha tukio hili na ghasia za kisiasa.
Shambulio dhidi ya Kirk ni moja ya matukio ya hivi karibuni ya ghasia za silaha nchini Marekani, na linaweza kuwa ni somo jingine katika mfululizo wa mauaji yenye motisha za kisiasa.
Hapa tunachambua baadhi ya mauaji makubwa ya wanasiasa yaliyotokea katika historia ya Marekani:
Marais
Abraham Lincoln, Rais wa 16 wa Marekani
Lincoln alikuwa Rais wa kwanza wa Marekani aliyouawa kinyama.
Alipigwa risasi na John Wilkes Booth tarehe 14 Aprili 1865, alipokuwa na mke wake kwenye tamasha la ukumbi wa michezo mjini Washington DC.
Lincoln alifariki asubuhi ya tarehe 15 Aprili.
Kutoa kwake msaada kwa haki za watu wa asili ya kiafrika ilitajwa kama sababu ya kuuawa kwake.
Booth aliuawa siku chache baadaye katika jimbo la Virginia.
James Garfield, Rais wa 20 wa Marekani
Garfield alikuwa Rais wa pili kuuawa nchini Marekani.
Alipokuwa akipita katika kituo cha treni mjini Washington DC tarehe 2 Julai 1881, alipigwa risasi na Charles Guiteau.
Alifariki Mwezi Septemba mwaka huo baada ya madaktari kushindwa kuondoa risasi mwilini mwake.
Alikuwa ametumikia ofisi kwa miezi michache tu.
Guiteau, aliyeelezwa kuwa na matatizo ya akili, alihukumiwa kwa mauaji na kuuawa mwezi Juni 1882.
William McKinley, Rais wa 25 wa Marekani
McKinley alipigwa risasi wakati wa ziara ya kuzungumza mjini Buffalo, New York tarehe 6 Mwezi Septemba 1901, na alifariki dunia siku chache baadaye kutokana na majeraha aliyoyapata kutoka kwa Leon Czolgosz, mfuasi wa utawala huria.
Czolgosz alihukumiwa na kuuawa mwezi Oktoba 1901.
Chanzo cha picha, Getty Images
John F. Kennedy, Rais wa 35 wa Marekani
Kennedy alipigwa risasi na muuaji aliyejihami na bunduki yenye risasi kali alipokuwa Dallas tarehe 22 Novemba 1963.
Risasi zilirushwa wakati gari la Rais lilipokuwa linapita katikati ya Dallas.
Kennedy alipelekwa hospitalini na kufariki muda mfupi baadaye.
Masaa baada ya mauaji, polisi walimkamata Lee Harvey Oswald, aliyekuwa mwanajeshi wa zamani wa baharini.
Siku mbili baadaye, Oswald alipokuwa akipelekwa kutoka makao makuu ya polisi kwenda gereza la kaunti, mmiliki wa klabu ya usiku Jack Ruby alimfyatua risasi na kumuua.
Wagombea Urais
Robert F. Kennedy, Seneta wa Demokrat
Robert F. Kennedy alikuwa seneta kutoka New York na ndugu wa Rais John F. Kennedy aliyeuawa miaka mitano awali.
Alipokuwa akitafuta tiketi ya chama cha Demokrat kugombea urais, aliuawa katika hoteli ya Los Angeles mara baada ya kutoa hotuba ya ushindi wa uchaguzi wa awali wa California mwaka 1968.
Muuaji, Sirhan Sirhan, alihukumiwa kwa mauaji ya daraja la kwanza na kupewa adhabu ya kifo, ambayo baadaye ikageuzwa kuwa kifungo cha maisha gerezani.
Hadi sasa Sirhan bado yuko gerezani baada ya ombi lake la kuachiliwa kufutwa mwaka 2023.
Viongozi wa haki za kiraia
Chanzo cha picha, AFP via Getty Images
Alipigwa risasi na mpiga risasi mwenye asili ya kizungu, James Earl Ray, alipokuwa kwenye roshani ya hoteli na alifariki hospitalini akiwa na umri wa miaka 39.
Dk King alikuwa ameshinda na kuponea chupuchupu mashambulizi kadhaa ya mauaji, ikiwemo bomu lililopigwa kwenye nyumba yake mwaka 1956.
Malcolm X, mchangiaji mkongwe wa haki za watu wenye asili ya Kiafrika, aliuawa kwa risasi katika ukumbi wa dansi mjini New York mbele ya familia yake mwaka 1965 akiwa na umri wa miaka 39.
Kwa miaka mingi alikuwa msemaji mkuu wa Nation of Islam, kundi lililoleta wazo la kutengwa kwa watu wenye asili ya kiafrika Marekani, lakini maoni yake baadaye yalipata mwelekeo wa wastani zaidi.
Muhammad Aziz, Khalil Islam, na Thomas Hagan walihukumiwa kwa mauaji na kupewa kifungo cha maisha.
Muhammad Aziz na Khalil Islam walifutiliwa hifadhi za hukumu mwaka 2021.
Chanzo cha picha, Getty Images
Mauaji ya Karibuni na Jaribio la Mauaji
Hivi karibuni, tarehe 14 Juni 2025, wawakilishi wawili wa chama cha Demokrat katika jimbo la Minnesota waliuwawa nyumbani kwao katika tukio lililoelezwa kama “jaribio la mauaji lenye motisha za kisiasa”.
Mwakilishi wa jimbo Melissa Hortman na mumewe Mark waliuwawa kwa risasi nyumbani kwao.
Seneta wa jimbo John Hoffman na mkewe Yvette walimiminiwa risasi mara kadhaa nyumbani lakini walinusurika.
Chanzo cha picha, AFP via Getty Images
Mnamo Julai 2024, risasi ilimpita upesi wakati wa mkutano wa hadhara huko Butler, Pennsylvania lilikuwa na vipengele vinavyofanana sana na shambulio la Utah – yote yalitokea mbele ya umati wa watu kwenye maeneo ya wazi, anasema mwandishi wa BBC wa Amerika Kaskazini, Anthony Zurcher.
Mnamo Septemba mwaka huo, jaribio lingine la kumuua liliripotiwa na lilizuiwa na Huduma ya Ujasusi wa siri kwenye uwanja wa gofu wa Trump Florida.
Miaka miwili kabla ya hapo, mtu aliyeibuka na nyundo alivamia nyumbani kwa Rais wa Bunge Nancy Pelosi, mmoja wa viongozi wakuu wa chama cha Demokrat.