Uchaguzi huu unafanyika katikati ya mvutano mkubwa wa kisiasa, huku tume ya uchaguzi ikikipiga marufuku chama cha Heart of Moldova kwa madai ya ukiukaji wa fedha, na mamlaka kuripoti zaidi ya watu 70 kukamatwa kwa tuhuma za kuungwa mkono na Urusi katika njama za kuvuruga uchaguzi.
Viongozi wa Ulaya akiwemo Kansela wa Ujerumani Friedrish Merz na Rais wa Ufaransa Emmanuel Macron wameeleza wazi kuunga mkono juhudi za Moldova kujiunga na EU na kujikinga na ushawishi wa Urusi.
Nchi hiyo yenye wakaazi takribani milioni 2.4, ikiwa mwanachama mgombea wa EU tangu 2022, inatarajia matokeo rasmi Jumatatu usiku, huku waangalizi wa shirika la Ushirikiano wa Maendeleo, OSCE, wakiahidi kutoa tathmini yao.