Rais Masoud Pezeshkian WA Jamahauri ya Kiislam7u ya Iran amesema kuwa, taifa hili lingependelea kurejeshwa kwa vikwazo kuliko kutii matakwa “yasiyokubalika” ya Marekani ya kukabidhi akiba yake yote ya urani iliyorutubishwa.
Akizungumza na waandishi wa habari kabla ya kuondoka New York kurejea Tehran, Pezeshkian alielezea kwa kina juhudi za kidiplomasia wakati wa mkutano wa Baraza Kuu la Umoja wa Mataifa, ambalo lilijumuisha mikutano na viongozi kutoka Ufaransa, Finland, Uswisi, Norway, Iraq, Bolivia, na Baraza la Ulaya.
Huku akidokeza kuwa makubaliano yamefikiwa na upande wa Ulaya, Pezeshkian aliashiria kutokubaliana na misingi ya Marekani.
“Tulifikia makubaliano na pande za Ulaya, lakini mtazamo wa Marekani ni tofauti, na ni kawaida kwamba hatukufikia maelewano kuhusu utaratibu wa snapback kwa sababu ombi la Wamarekani halikubaliki,” alisema.
Daktari Pezeshkian amesisitiza kuwa, Tehran iko tayari kikamilifu kwa hali yoyote endapo nchi za Ulaya zitarejesha vikwazo vya Umoja wa Mataifa kupitia utaratibu wa snapback, na ameonya kwamba mazungumzo ya kidiplomasia yatakuwa hayana maana chini ya vikwazo vilivyorejeshwa.
Rais Pezeshkian amesema kwamba hatua zinazohitajika zimechukuliwa iwapo utaratibu unaojulikana kama snapback’ utaanzishwa, na akasema: “Kwa kuzingatia mafungamano tuliyo nayo na majirani zetu, nchi za BRICS na Jumuiya ya Shanghai, pamoja na watu wapenzi wa Iran ambao wanaamini katika nchi yao, umoja wa ardhi wa eneo, utu na fahari, tutavuka katika hii.”
Waziri wa Mambo ya Nje wa Iran, Sayyid Abbas Araghchi amesisitiza kuwa, juhudi za mataifa matatu ya Ulaya ya Uingereza, Ufaransa, na Ujerumani za kuhuisha vikwazo vya Baraza la Usalama la Umoja wa Mataifa dhidi ya Jamhuri ya Kiislamu kwa kutumia utaratibu unaojulikana kama snapback’ ni “batili na hazina mashiko yoyote ya kisheria.”