Katika chapisho kwenye mtandao wa facebook hii leo, mkuu wa wafanyakazi wa serikali ya waziri mkuu wa Hungary, Gergely Gulyas, amesema nchi huru lazima itoe jibu sawa kwa shambulio lisilokuwa na msingi.
Hungary yatoa sababu za kufungiwa kwa tovuti zake na Ukraine
Gulyas amesema Ukraine ilipiga marufuku tovuti za Hungary kwa sababu zilikosoa vikwazo dhidi ya Urusi na msaada wa kijeshi kwa Ukraine, pamoja na kuukosoa Umoja wa Ulaya na muungano wa kujihami wa NATO kwa kuwa na mgawanyiko na kutofanya kazi.
Pia amesema ikiwa mgawanyiko wa Umoja wa Ulaya unatoa sababu ya udhibiti wa serikali nchini Ukraine, basi ni wakati kwa Ukraine kufutilia mbali azma yake ya kujiunga nao.
Ukraine haikutoa jibu la haraka la hatua hiyo ya Hungary.