Katika mahojiano na shirika la habari la Fox, Vance amesema Rais wa Ukraine Volodymyr Zelensky ameitaka Marekani kuuzia mataifa ya Ulaya makombora hayo ambayo yatayatuma kwa nchi yake.
Pia ameongeza kuwa Rais Donald Trump atafanya maamuzi ya mwisho kuhusu iwapo ataruhusu makubaliano hayo.
Trump aghadhabishwa na ukosefu wa ushirikiano kutoka kwa Putin
Katika siku ya nyuma, Trump alikataa ombi la Ukraine la matumizi ya makombora ya masafa marefu lakini amekua akighadhabishwa na hatua ya Rais wa Urusi ya kukataa kufikia makubaliano ya amani.
Mjumbe maalum wa Marekani nchini Ukraine, amesema Trump amedokeza kuwa Kyiv sasa inapaswa kuwa na uwezo wa kufanya mashambulizi ya masafa marefu dhidi ya Urusi.