Mkuu wa jeshi la Iran amesema kuwa, tunaendelea kumfuatilia adui na tutakabiliana vikali na makosa yoyote kutoka kwake na kuongeza: “Adui anapaswa kutambua kwamba taifa la Iran litakuwa mshindi kwa uwezo wake, nguvu zake na maadili yake ya hali ya juu.”
Meja Jenerali Amir Hatami, Mkuu wa majeshi ya Jamhuri ya Kiislamu ya Iran amesema hayo katika hafla ya kuhitimisha kozi ya 23 ya kijeshi kwa wanafunzi wa vyuo vya kijeshi hapa mjini Tehran na kueleza kwamba, vikosi vya jeshi na hususan jeshi la Jamhuri ya Kiislamu ya Iran, vina jukumu muhimu sana la kulinda uhuru, umoja wa ardhi yote na mfumo mtakatifu wa Jamhuri ya Kiislamu ya Iran.
Kamanda huyo mkuu wa jeshi wa Iran ameueleza utayarifu wa vikosi vya Jamhuri ya Kiislamu kuwa wa kudumu na wa thamani kubwa, akisisitiza kwamba hatua yoyote ghalati ya maadui itakabiliwa na jibu la nguvu na madhubuti.
Akiashiria vita vya kutwishwa vya Israel dhidi ya ardhi ya Iran katikati ya mwezi Juni mwaka huu, Meja Jenerali Hatami amesifu na kupongeza uelewa na moyo wa kujitolea wa wananchi wa Iran.
Kamanda huyo mwandamizi wa jeshi la Jamhuri ya Kiislamu ya Iran amesisitiza kuwa, Jamhuri ya Kiislamu ilishinda katika vita vya siku 12 vya kichokozi vilivyoanzishwa na Marekani na utawala wa utawala ghasibu wa Israel mwezi Juni mwaka huu, na ilifanikiwa kuwalazimisha maadui wasalimu amri.