Kwenye chapisho kwenye mtandao wa X, Rais wa Baraza la Ulaya Antonio Costa, amesema watu wa nchi hiyo wametuma ujumbe ulio wazi.
Costa amesema wamechagua demokrasia, mageuzi, na mustakabali wa Ulaya, chini ya muingilio na shinikizo la Urusi.
Kwa upande wake, Rais wa halmashauri kuu ya Umoja huo wa Ulaya Ursula von der Leyen, amesema ni wazi Moldova imepigia kura Ulaya, demokrasia na uhuru .
Ameongeza kusema, mlango wa Umoja huo uko wazi na watasimama na nchi hiyo katika kila hatua.
Moldova yathibitisha kujinasua kutoka mzunguko wa Urusi
Ushindi huo mkubwa dhidi ya upinzani unaoegemea upande wa Urusi, unaonyesha uidhinishaji wa nchi hiyo iliyokuwa jamhuri ya Kisovieti ya kutaka kujiunga na Umoja wa Ulaya na kujinasua kutoka kwa mzunguko wa Urusi.