Baada ya mwaka mmoja madarakani, Rais wa Mexico Claudia Sheinbaum bado anafurahia umaarufu mkubwa, hata kama anakabiliwa na changamoto kubwa, ikiwa ni pamoja na uhusiano mgumu na mwenzake wa Marekani, Donald Trump, na vurugu za makundi yanayojihusisha na biashara haramu ya madawa ya kulevya.
Imechapishwa:
Dakika 2 Wakati wa kusoma
Matangazo ya kibiashara
Akiwa na umri wa miaka 63, mwanafizikia huyo, mwanachama wa zamani wa IPCC, jopo lililopewa mamlaka na Umoja wa Mataifa kuhusu mabadiliko ya hali ya hewa, na meya wa zamani wa Mexico City, alijaza uwanja wa soka nchini kote wakati wa ziara ya kusisimua iliyolenga “kulipiza kisasi kwa raia.”
Mnamo mwezi Oktoba 2024, Claudia Sheinbaum alichukua nafasi kutoka kwa mshauri wake, Andres Manuel Lopez Obrador (AMLO), rais wa mrengo wa kushoto mwenye haiba ambaye alipata ushindi wa kishindo kwenye kura za maoni kwa karibu 60% ya kura. Takriban mwaka mmoja baada ya kutawazwa kwake, ana alama ya kupendwa ya 79%, kulingana na kura ya maoni ya Enkoll iliyotolewa mwishoni mwa Agosti.
Katika video zinazoshirikiwa kwenye mitandao ya kijamii, Claudia Sheinbaum anakariri kwamba mtazamo wa “kuwa mrembo na unyamaze” nchini Mexico umekwisha!” na anasimulia jinsi “wasichana wadogo wanakuja kwake na kusema, ‘Nataka kuwa kama wewe nitakapokuwa mtu mzima (…) nataka kuwa rais.'”
Mbinu ya Sheinbaum inatokana na nidhamu kubwa aliyorithi kutoka kwa miaka kumi na minne ya mazoezi ya dansi ya kitambo, lakini pia kwa busara ambayo imemwezesha kukabiliana kwa ustadi na mipango ya Donald Trump ambaye hatabiriki, na kujizolea umaarufu kwenye jukwaa la kimataifa.
Changamoto kubwa
Claudia Sheinbaum anakabiliwa na changamoto kubwa, kubwa miongoni mwa chngamoto hizo ikiwa ni rushwa katika taifa hilo la pili kwa ukubwa kiuchumi la Amerika ya Kusini, ukatili wa makundi ya biashara ya madawa ya kulevya yanayoendesha harakati zaake nchini humo, na shinikizo linaloongezeka kutoka kwa jirani yake wa Marekani.
Wakati wa miezi yake kumi na moja ya kwanza mamlakani, zaidi ya watu 13,500 waliotoweka waliripotiwa, kulingana na Msajili wa Kitaifa wa Watu Waliotoweka, wengi wao wakiwa wahasiriwa wa kuajiriwa kwa nguvu na ghasia zinazohusishwa na uhalifu wa kupangwa.
Donald Trump alidai matokeo dhidi ya wauzaji wa dawa za kulevya, akionyesha tishio la ushuru mnamo mwezi Novemba, kufuatia kumalizika kwa makataa ya rais wa Marekani ya siku 90 kwa Mexico. Mauzo ya Mexico kwa jirani yake ya kaskazini yanawakilisha theluthi moja ya Pato la Taifa la Mexico.tangu majira ya joto ya 2024.