Nchini Tanzania, kwa siku ya pili, Alhamisi maandamano yameshuhudiwa jijini Dar es salaam, baada ya uchaguzi mkuu wa Oktoba 29 kukumbwa na vurugu.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Shirika la Habari la Reuters, limeripoti kurejelewa tena kwa maandamano huku, mtandao wa internet ukiwa umezimwa nchi nzima na watumishi wa umma, kuamriwa kufanyia kazi nyumbani.
Siku ya Jumatano, polisi walitangaza amri ya kutotoka nje jijini Dar es salaam kuanzia saa 12 jioni, kwa kile walichokisema ni kwa sababu za kiusalama.
Maandamano haya yanafanyika wakati huu, ripoti zikisema kuwa, matokeo ya uchaguzi yanaendelea kutangazwa ambapo rais Samia Suluhu Hassan, anatarajiwa kutangazwa mshindi.
Waandamanaji vijana, wanapinga uchaguzi uliofanyika Jumatano, wanasema wanataka mabadiliko kwenye tume huru ya uchaguzi.
Katika hatua nyingine, Ubalozi wa Marekani nchini Tanzania, umewataka wafanyakazi wake kuchukua tahadhari na kujilinda kufuatia ghasia na maandamano yanayoendelea.
Wakati hayo yakijiri, Tume ya Uchaguzi nchini humo inaendelea na zoezi la kutangaza mazoezi, ambapo rais Samia Suluhu Hassan anaongoza.