Erdogan akiwa na Kansela wa Ujerumani Friedrich Merz katika mkutano wao wa pamoja na waandishi habari mjini Ankara, alisema Israel ina silaha za nyuklia na silaha nyengine inazotumia kuwatishia watu wa Gaza. Rais huyo wa Uturuki amesema wanamgambo wa Hamas hawana silaha walizonazo Israel.
Ameongeza kuwa Israel imeishambulia tena Gaza katika siku za hivi karibuni licha ya makubaliano ya usitishaji wa mapigano katika eneo hilo huku akimuuliza suali Merz iwapo Ujerumani haioni kile kinachoendelea Gaza.
Rais Tayyip Erdogan, amesisitiza kuwa ni jukumu la Uturuki, Ujerumani na mataifa mengine kuhakikisha njaa na mauaji ya halaiki vinakomeshwa dhidi ya wapalestina.
Merz yuko ziarani nchini Uturuki ambako anatazamiwa kuimarisha mahusiano ya kiuchumi na kibiashara ya mataifa hayo mawili ikiwem sekta ya usafiri. Ujerumani inaiona Uturuki kama mshirika wa karibu wa Umoja wa Ulaya.
Alisema kwamba wamejadili kwa upana masuala ya uhamiaji na wametaka kuendeleza mchakato wa kuwahamisha Uturuki wahamiaji wasiokuwa na uhalali wa kubakia ujerumani.