Nchini Tunisia, kesi ya wakili Ahmed Souab, aliyekamatwa Aprili 21, inafunguliwa leo Ijumaa Oktoba 31, 2025. Akiwa mtetezi wa haki za binadamu na mwanaharakati anayepambana dhidi ya ufisadi, jaji huyu wa zamani anajulikana sana miongoni mwa wafuasi wa mrengo wa kushoto nchini Tunisia kwa uwazi wake katika kupambana na ufisadi. Akiwa maarufu kwa wanasheria wachanga na mtu anayeunganisha makundi yaliyogawanyika ndani ya upinzani, kifungo chake kilizua hasira.
Imechapishwa:
Dakika 1 Wakati wa kusoma
Matangazo ya kibiashara
Na mwandishi wetu huko Tunis, Lilia Blaise
Ahmed Souab anashtakiwa kwa makosa kadhaa chini ya sheria ya kupambana na ugaidi kufuatia taarifa iliyohoji uhuru wa mahakama, iliyotolewa kuhusiana na kesi ya kisiasa ya njama dhidi ya usalama wa taifa. Kesi hii kubwa ilishuhudia watu arobaini wakipokea hukumu kuanzia miaka 4 hadi 66 jela.
Ahmed Souab anashtakiwa kwa kushiriki katika kuundwa kwa kundi la kigaidi, kuunga mkono vitendo vya kigaidi, kulingana na sheria ya kupambana na ugaidi ya Tunisia, pamoja na kusambaza taarifa za uongo na kutumia mitandao ya mawasiliano kuwanyanyasa wengine.
Msururu wa shutuma ulifuatia kauli ya ghafla aliyotoa pembezoni mwa vikao vya kesi ya njama dhidi ya usalama wa taifa. Ahmed Souab, kama wakili wa kamati ya ulinzi, alikuwa ameelezea hofu yake ya mahakama iliyo chini ya shinikizo.
Baada ya kauli yake kushirikiwa kwenye mitandao ya kijamii, alikamatwa na kufungwa jela. Familia yake inasema ina imani mwanzoni mwa kikao hiki cha kwanza, ingawa kesi hiyo inaweza kufanyika kwanjia ya video kwa sababu za kiusalama, kulingana na mahakama.
Ahmed Souab tayari amekataa kuonekana kwa njia ya video. Anaungwa mkono na Chama cha Wanasheria, ambacho kimetoa taarifa inayokumbusha umma kwamba washtakiwa lazima wawepo katika kesi zao na kwamba vikao lazima viwe wazi kwa vyombo vya habari. Mnamo Oktoba 30, shirika la kimataifa la Haki za Binadamu la Amnesty International lilitoa wito kwa mamlaka kumwachilia huru Ahmed Souab mara moja na kufuta mashtaka dhidi yake.