Mkurugenzi Mkuu wa zamani wa Wakala wa Kimataifa wa Nishati ya Atomiki amekosoa kwenye ukurasa wake wa kibinafsi kwenye Jukwaa la X (zamani Twitter) misimamo ya serikali za Kiarabu kuhusu faili la kesi dhidi ya utawala wa Israel katika Mahakama ya Kimataifa ya Haki (ICJ).
Makamu wa Rais wa zamani wa Misri Mohamed ElBaradei ameandika katika chapisho kwenye mtandao wa kijamii wa X: “Kuna makubaliano ya kimataifa kati ya serikali, mashirika, na wataalamu kuhusu kutendeka kwa mauaji ya halaiki na uhalifu mwingine dhidi ya ubinadamu unaofanywa na Israel huko Gaza.”
Aliongeza: “Nitafuatilia misimamo ya serikali za Kiarabu kuhusu kesi iliyowasilishwa na Afrika Kusini katika Mahakama ya Kimataifa ya Haki, pamoja na malalamiko rasmi yaliyowasilishwa dhidi ya Israel katika Mahakama ya Kimataifa ya Jinai na ninaona kwamba kuna nchi nyingi zimekuwa zikijiunga na kesi katika Mahakama ya Kimataifa ya Haki (kama vile Colombia, Libya, Mexico, Palestina, Uhispania, Uturuki, na Bolivia) au ambazo zimewasilisha malalamiko kwenye Mahakama ya Kimataifa ya Uhalifu.