Viongozi hao wakizungumza kwa njia ya simu Merz, amemwambia Zelensky kwamba, serikali yake ni lazima ipige hatua katika mikakati ya kulidhibiti hilo na kufanya mageuzi hasa katika suala la utawala wa sheria.
Msemaji wa Merz, Stefan Kornelius amewaambia waandishi habari kwamba Ujerumani ina wasiwasi kuhusu sakata hilo kufuatia kufungamanishwa na sekta ya nishati ambayo imepokea msaada mkubwa kutoka Ujerumani.
Jana Jumatano ( 12.11.2025), Zelensky aliwafuta kazi mawaziri wake wa sheria na nishati German Galushchenko na Svitlana Hrynchuk, kufuatia sakata la ubadhirifu mkubwa wa fedha katika sekta ya nishati.
Wachunguzi wamedai kuwa Galushchenko, mshirika mkuu wa Rais wa Ukraine Volodymyr Zelensky, alianzisha mpango wa ufisadi wa dola milioni 100 katika sekta hiyo, hali iliyosababisha hasira ya wananchi wakati ambao taifa linakosa umeme kufuatia mashambulizi ya Urusi yanayoendelea kushamiri huko.