Polisi imesema kati ya maafisa 600 na 700 wa idara ya forodha, wale wa kuchunguza malipo ya ushuru na polisi wa shirikisho walitumwa kushiriki operesheni hiyo.
Msemaji wa polisi huko Stuttgart amesema leo asubuhi kwamba operesheni hiyo ya usiku iliisha baada ya saa kadhaa.
Polisi pia imesema hawakuwa na taarifa za haraka kuhusu kukamatwa kwa watu, lakini ushahidi wa awali umepatikana.
Inashukiwa watu wanasafirishwa kutoka nje ya Umoja wa Ulaya
Wachunguzi walilenga maeneo kadhaa katika jimbo la kusini-magharibi la Baden-Württemberg, pamoja na miji ya Baden-Baden, Böblingen na Lörrach, na pia wilaya kadhaa za karibu. Uchunguzi pia ulifanywa huko Berlin.
Wachunguzi wanashuku kuwa watu wanasafirishwa kwa njia haramu kutoka nchi zisizo za Umoja wa Ulaya pamoja na udanganyifu uliopangwa wa ushuru na mishahara.
Mamlaka imesema maelezo zaidi yatatolewa leo Ijumaa.