Kulingana na msimamizi wa jeshi mjini Kiev, Tymur Tkachenko, takriban watu wanne waliuawa na wengine 27 kujeruhiwa katika tukio hilo. Majeruhi 15 wanaendelea kupokea matibabu hospitalini.
Zelensky asema shambulizi la Urusi Kiev ni la kushtukiza
Katika ujumbe kwenye mitandao ya kijamii, Rais wa Ukraine Volodymyr Zelensky amelitaja shambulizi hilo kuwa la ”kushtukiza” lililolenga miundombinu ya kiraia na akachapisha picha na video zinazoonyesha nyumba zilizoharibiwa vibaya.
Ubalozi wa Azerbaijan mjini Kiev pia ulilengwa na kuharibiwa na vipande vya makombora.
Kulingana na Zelensky, Kiev ndio ilikuwa shabaha la mashambulizi hayo, lakini maeneo ya karibu pamoja na yale ya Kharkiv na Odessa pia yaliathirika.