Rais wa Tanzania, Samia Suluhu Hassan amewaapisha mawaziri na manaibu mawaziri wapya watakaokuwa sehemu ya baraza lake la mawaziri ndani ya serikali ya awamu ya sita.
Shughuli hiyo ya uapisho, inakuja siku moja baada ya Rais Samia kulitangaza Baraza jipya la Mawaziri, katika Ikulu ya Chamwino, mkoani Dodoma.
Baraza hilo, ambalo lina jumla ya wizara 27, mbili zikiwa mpya, limeshudia baadhi ya waliokuwa mawaziri na manaibu wawiri wakiwekwa kando, huku kukiwa kuna maingizo mapya.
Waliowekwa kando
Kati ya walioshindwa kupita kwenye uteuzi huu, ni pamoja na aliyekuwa Naibu Waziri Mkuu na Waziri wa Nishati, Doto Biteko, aliyekuwa Waziri wa Katiba na Sheria, Damas Ndumbaro, Hussein Bashe (Kilimo) na Pindi Chana (Maliasili na Utalii).
Wengine ni Innocent Bashungwa (Mambo ya Ndani), Jenista Mhagama (Afya) Seleman Jafo (Viwanda na Biashara).