Rais wa Korea Kusini, Lee Jae Myung amesema kuwa mifumo ya kimataifa ya akili mnemba (AI) inapasa kuhakikisha kuwa mataiafa yote yanapata teknolojia hiyo kwa usawa.
Akihutubia Mkutano wa Kilele wa Viongozi wa Kundi la G-20 huko Johannesburg Afrika Kusini, Rais Lee Jae Myung ametoa wito wa kuwepo mifumo ya kimataifa ili kuhakikisha upatikanaji mkubwa na wa usawa zaidi wa teknolojia ya akili mnemba.
“Uendelezaji wa teknolojia ya akili mnemba unapasa kutoa fursa sawa kwa mataifa na watu wote,” amesema Rais wa Korea Kusini huku akiahidi kushirikiana na jamii ya kimataifa kuendeleza dira ya Korea Kusini ya akili mnemba jumuishi.
Rais wa Korea Kusini amesema kuwa nchi yake itakuwa mwenyeji wa mkutano wa G-20 mwaka 2028 katika juhudi za kuimarisha mchango wa jukwaa hilo katika ushirikiano wa kiuchumi duniani.
Rais Lee amesema: Tutafanya kila tuwezalo kuhakikisha kuwa nchi za G-20 zinaimarisha zaidi nafasi yao kama jukwaa kuu la ushirikiano wa kiuchumi duniani.
Wakati huo huo Waziri Mkuu wa Japan, Sanae Takaichi, amesema kuwa viongozi wa G-20 wamejadili ushirikiano wa kimataifa kuhusu madini muhimu na teknolojia ya akili mnemba (AI).