Wizara ya Uchukuzi ya Iran imesema kuwa karibu vijiji tisa kati ya kumi hapa nchini vimeunganishwa kwa barabara za lami; hatua inayoashiria panuzi mkubwa wa miundombinu ya vijijini nchini Iran.
Afisa wa ngazi ya juu katika Wizara ya Barabara na Maendeleo ya Mijini (MRUD) ya Iran alisema Jumanne wiki hii kwamba Iran imepanua mtandao wake wa barabara za lami hadi asilimia katika vijiji vyenye kaya 20 au zaidi.
Reza Akbari Naibu Mkuu katika Wizara ya Barabara na Maendeleo ya Mijini (MRUD) ya Iran ambaye pia ni Mkurugenzi wa Ukarabati na Usafirishaji wa wizara hiyo amesema kuwa barabara za vijijini nchini Iran, ukijumuisha barabara za lami, changarawe, na zisizo na lami zina urefu wa jumla ya kilomita 203,248.
Amebainisha kuwa, urefu wa barabara za lami zinazounganisha vijiji umeongezeka kwa zaidi ya kilomita 3,600 katika kipindi cha miaka miwili iliyopita, huku kazi ya ukarabati ikiwa imefanywa kwa zaidi ya kilomita 12,000 za barabara za vijijini katika kipindi hicho.
“Mafanikio haya ni matokeo ya sera za maendeleo za serikali ya sasa na yanalenga kuboresha upatikanaji na kuboresha miundombinu ya usafirishaji katika maeneo ya vijijini,” amesema Reza Akbari.
Iran imeanzisha sera mbalimbali katika miongo ya karibuni ili kuziwezesha jamii za mashambani kukuza uzalishaji wa ndani na kupunguza uhamiaji mijini.
Takwimu za karibuni za serikali zinaonyesha kuwa vijiji vingi vya Iran sasa vinafurahia upatikanaji wa nishati safi, maji safi ya kunywa, na mtandao wa kasi.
Takriban vijiji 40,000 kati ya takriban 55,000 vya Iran vinapata huduma ya gesi asilia ya bomba, hatua ambayo imesaidia mtandao wa bomba la gesi nchini Iran kufika hadi kilomita 427,000.