Mtawala huyo mpya wa kijeshi ataushikilia wadhifa huo kwa kipindi cha mwaka mmoja. Mapinduzi nchini humo yamefanyika baada ya uchaguzi mkuu ambapo matokeo yalikuwa bado hayajatangazwa.
Aidha, Mwenyekiti wa Halmashauri kuu ya Umoja wa Afrika Mahamoud Ali Youssouf amekilaani kitendo cha jeshi la Guinea Bissau kufanya mapinduzi na kutoa wito wa kuachiliwa huru bila masharti kwa Rais.
ECOWAS yakosoa ukiukwaji wa katiba
Kwa upande wake Jumuiya ya Kiuchumi ya Nchi za Afrika Magharibi ECOWAS imekosoa vikali mapinduzi hayo na kuyaita ukiukwaji mkubwa wa katiba ya Guinea Bissau. Imetaka pia Embalo na maafisa wengine wanaoshikiliwa na jeshi waachiliwe huru.
Jana Jumatano, milio ya risasi ilisikika karibu na Ikulu ya Rais Umaro Sissoco Embalo, nchini humo siku tatu baada ya uchaguzi wa rais na wabunge.