Umoja wa Mataifa umeonesha wasiwasi wake kuhusu hali nchini Guinea Bissau baada ya jeshi kupitia Televisheni ya taifa kutangaza kuchukuwa udhibiti kamili wa taifa hilo. Kupitia msemaji wa Umoja wa Mataifa Stephen Dujarric Katibu Mkuu wa Umoja huo Antonio Guterres amezitaka pande zote kufuata na kuheshimu utawala wa sheria na kuahidi kufuatilia hali nchini humo.
Milio ya risasi kabla ya jeshi kutangaza mapinduzi
Jumatano, Milio ya risasi ilisikika karibu na Ikulu ya Rais Umaro Sissoco Embalo, nchini humo siku tatu baada ya uchaguzi wa rais na wabunge. Kwenye uchaguzi huo Embalo, na mgombea wa upinzani walijitangazia ushindi.
Rais Embalo aliyetarajiwa kuwa mshindi katika uchaguzi huo ameviambia vyombo vya habari vya Ufaransa kuwa ameondolewa mamlakani na kukamatwa.