Putin ameongeza pia kuwa kasi ya vikosi vyake kusonga mbele katika pande zote inazidi kuongezeka. Kauli yake imetolewa muda mfupi baada ya Wizara yake ya Mambo ya nje kusisitiza kuwa suala la Ukraine kujiunga na Jumuiya ya Kujihami ya NATO halikubaliki.
Mapema Alhamisi msemaji wa Wizara ya Mambo ya Nje Maria Zakharova aliwaambia waandishi wa habari mjini Moscow kuwa, matamanio ya NATO ya kuiingiza Ukraine kwenye jumuiya hiyo bado ni kitisho kwa Urusi.
Juhudi za kurejesha amani Ukraine zinaendelea
Hayo yanajiri wakati juhudi za kurejesha amani Ukraine zikiendelea hasa baada ya Rais wa Marekani Donald Trump kuwasilisha mpango wenye vipengele 28. Kwenye mpango huo, Marekani katika kipengele cha saba imependekeza kujumuisha kwenye katiba yake kuwa, Ukraine haitajiunga na NATO na kwamba jumuiya hiyo inakubali kujumuisha kwenye vifungu vyake kwamba haitaipa uanachama Ukraine katika siku zijazo.