Uturuki imelaani shambulio la ndege isiyo narubani lililofanyika Jumatano usiku katika uwanja wa gesi la Khor Mor, lililopo mkoa wa Sulaymaniyah, kaskazini mwa Iraq.
Msemaji wa Wizara ya Mambo ya Nje, Oncu Keceli, alisema Alhamisi katika taarifa iliyotolewa kupitia mtandao wa kijamii wa X kwamba Ankara inalitazama shambulio hilo kwa wasiwasi, ikizingatia athari zake kwa uthabiti na ustawi wa Iraq.
“Tunalani vitendo kama hivyo vinavyolenga miundombinu ya kiraia,” Keceli alisema, akiongeza kuwa Ubalozi Mdogo wa Uturuki mjini Erbil umehakikisha kuchukuliwa kwa hatua muhimu kulinda usalama wa raia wa Uturuki wanaofanya kazi katika eneo hilo.
Tukio hilo lilitokea saa 20:30 GMT, kwa mujibu wa taarifa ya pamoja ya Wizara za Rasilimali Asilia na Umeme za Serikali ya Mkoa wa Kikurdi.