Jeshi la Israel limesema ufyatulianaji wa risasi katika operesheni ya kuwakamata wanamgambo kutoka nchi jirani ya Lebanon katika kijiji cha Beit Jin nchini Syria umesababisha kujeruhiwa kwa wanajeshi sita wa Israel watatu kati yao wakiwa mahututi.
Jesi la Israel lasema limewalenga wapiganaji wa Jamaa Islamiya
Jeshi hilo limesema walengwa wa operesheni hiyo ni wapiganaji wa kundi la itikadi kali la Jamaa Islamiya lenye makazi yake katika nchi jirani ya Lebanon.
Wakati huo huo, televisheni ya serikali ya Syria imeripoti kuwa wanawake na watoto ni miongoni mwa waliouawa.
Pia imesema makumi ya familia zimekimbilia usalama katika maeneo ya karibu.