Embalo ameondoka baada ya jeshi kumuapisha hapo jana Jenerali Horta Nta Na Man kama rais wa mpito atakaeshikilia wadhifa huo kwa kipindi cha mwaka mmoja.
Wakati huohuo, Jumuiya ya Kiuchumi ya nchi za Afrika Magharibi ya ECOWAS imesimamisha kwa muda uanachama wa Guinea-Bissau na kutoa wito kwa utawala wa kijeshi kuruhusu tume ya taifa ya uchaguzi kutangaza matokeo ya uchaguzi wa rais uliokuwa na utata.
Kwa upande wake Umoja wa Ulaya umeitolea wito Guinea-Bissau kurejea haraka kwenye utaratibu wa kikatiba na kusisitiza kuwa matokeo ya uchaguzi wa rais na wabunge nchini humo yanapaswa kuheshimiwa na pande zote.