Serikali ya Yemen imelaani vikali hatua ya Marekani ya kuingilia masuala ya ndani ya nchi hiyo ya Kiarabu na kuitaja kuwa isiyokubalika.
Wizara ya Mashauri ya Kigeni ya Yemen imetoa taarifa ikiitaja misimamo ya hivi karibuni ya ubalozi wa Marekani kuwa ni uingiliaji wa wazi wa masuala ya ndani ya Yemen.
Sehemu moja ya taarifa ya Wizara ya Mashauri ya Kigeni ya Yemen imesema kuwa, hatua hiyo ni ishara ya wazi ya nafasi ya moja kwa moja ya serikali ya Washington katika mitandao amilifu ya kijasusi inayoipinga serikali ya Yemen.
Wizara ya Mambo ya Nje ya Yemen imelaani tamko la Ubalozi wa Marekani kuhusu hukumu zilizotolewa kwa watuhumiwa wa ujasusi na kusema kuwa, ni uingiliaji usiokubalika katika mamlaka ya mahakama na uhuru wa kujitawala nchi hiyo.
Sehemu nyingine ya taarifa ya Wizara ya Mashauri ya Kigeni ya Yemen imesisitiza kuwa, Washington kwa kuunga mkono mitandao ya kijasusi inayofanya kazi kwa maslahi yake na washirika wake ukiwemo utawala vamizi wa Israel na utawala wa kifalme wa Saudi Arabia ina jukumu la kusambaza taarifa nyeti na kuuawa shahidi makumi ya raia wa Yemen.
Radiamali ya Wizara ya Mambo ya Nje ya Yemen imetolewa baada ya serikali yya Washington kutangaza kuwa “Yemen imewahukumu kifo kiholela” washtakiwa 18 nchini nchini Yemen. Mahakama ya Yemen iliwahukumu kifo watu hao baada ya kupatikana na hatia ya kufanya ujasusi.