Akizungumza katika mkutano na waandishi wa habari pamoja na mwenzake wa Slovenia Robert Golob, Merz alisema lazima wafanye kila wawezalo ili kumaliza vita hivyo na kutumia mali ya Urusi ambayo kwa maoni yake ndio njia inayofaa.
Amesema anawasiliana na Waziri Mkuu wa Ubelgiji Bart De Wever kuhusu suala hilo.
Pia ameongeza kuwa anaelewa wasiwasi wa De Wever lakini pia wana hoja nzuri za kufikia malengo yao ya pamoja.
Wanachama wengi wa EU wataka mali ya Urusi itumike kufadhili Ukraine
Halmashauri Kuu ya Umoja wa Ulaya pamoja na wanachama wengi wa Umoja huo wanataka kutumia mali ya benki kuu ya Urusi isiyohamishika kuipa Ukraine mikopo, lakini Ubelgiji ambayo ni kituo kikuu cha kuhifadhia dhamana za Umoja wa Ulaya imesema inahofia kuwa hatua kama hiyo inaweza kusababisha visasi vya kisheria na kifedha kutoka Urusi.