Kundi la wanamgambo wa Hezbollah, limemhimiza Papa Leo XIVkupinga dhuluma na uchokozi wa Israel dhidi ya Lebanon, katika ujumbe kwa kiongozi huyo wa Kanisa Katoliki duniani atakayewasili Beirut mwishoni mwa juma hili.
Katika hotuba yake siku ya Ijumaa, kiongozi wa Hezbollah, Naim Qassem, alikaribisha ziara ya Papa Leo nchini Lebanon, akisema amewapa wanachama wa kundi hilo jukumu la kuwasilisha barua kwa Papa ambayo itachapishwa pia kwenye vyombo vya habari.
Alisisitiza kwamba kundi lake limeheshimu usitishaji mapigano wa Novemba 2024 na kutoa wito wa kukomeshwa kwa mashambulizi ya mara kwa mara ya Israel nchini humo. Israel pia bado inao wanajeshi katika maeneo matano ya kusini mwa Lebanon ambayo inayaona kuwa ya kimkakati.
Baada ya kuzuru Uturuki, Papa Leo anatarajiwa kuwasili Lebanon siku ya Jumapili kwa ziara ya siku tatu.