Hong Kong imeanza maombolezo ya vifo vya watu 128 waliokufa katika moto mkubwa kwenye jengo la ghorofa huku idadi ya waliokufa ikihofiwa kuongezeka wakati watu 150 wakiwa bado hawajulikani walipo siku chache baada ya janga hilo.
Mamlaka imewakamata watu 11 kuhusiana na ajali hiyo mbaya zaidi ya moto na kuchunguza uwezekano wa ufisadi na matumizi ya vifaa visivyo salama wakati wa ukarabati wa jengo.
Shughuli za uokoaji katika eneo hilo katika wilaya ya Tai Po, karibu na mpaka na China bara, zilimalizika Ijumaa, ingawa polisi wanasema wanaweza kuipata miili zaidi wakati wanapoendelea na uchunguzi katika majengo yaliyoteketea.
China Bara tayari imeamuru uchunguzi wa kitaifakuhusu hatari za moto katika majengo marefu, hasa majengo ya makazi yanayofanyiwa ukarabati.