Wizara ya mambo ya nje ya Syria imesema operesheni ya kijeshi ya Israel kusini-magharibi mwa Syria imesababisha vifo vya watu wasiopungua 20, katika kile ambacho kituo cha ufuatiliaji vita, kimesema kuwa ni uvamizi mkubwa zaidi wa aina hiyo tangu kuondolewa madarakani kwa rais wa zamani Bashar al-Assad.
Mapigano huko Beit Jinn, karibu na eneo la ulinzi la Milima ya Golan inayoshikiliwa na Israel, yanaripotiwa kuanza wakati wanajeshi wa Israel walipoingia mjini humo mapema siku ya Ijumaa.
Mamlaka ya afya katika jimbo la Damascus, imetoa idadi ndogo ya watu waliofariki, ikisema kwamba raia 10 wamethibitishwa kufariki na wengine 22 kujeruhiwa.
Jeshi la Ulinzi la Israeli (IDF) limethibitisha kufanya operesheni ya usiku kucha kuwakamata wanachama wawili wa kundi la itikadi kali la al-Jama’a al-Islamiya.