Rais wa Marekani Donald Trump ametoa onyo leo akisema kuwa anga inayozunguka Venezuela inapaswa kuzingatiwa kuwa imefungwa, kauli inayozidisha mvutano na kiongozi wa mrengo wa kushoto Nicolas Maduro.
Kupitia mtandao wake wa Truth Social, Trump aliandika akiyaonya mashirika yote ya ndege, marubani, wafanyabiashara wa dawa za kulevya, na wasafirishaji haramu wa binadamu, kuzingatia anga ya Venezuela kufungwa kikamilifu.
Kauli yake inatolewa wakati utawala wa Trump ukizidisha shinikizo kwa Venezuela kwa kupeleka wanajeshi wengi kanda ya Karibiani ikiwemo meli kubwa zaidi ya kubeba ndege duniani.
Washington inadai kwamba lengo ni kukabiliana na wauza mihadarati lakini Caracas inasisitiza kwamba lengo kubwa ni kubadili utawala wa Venezuela. Vikosi vya Marekani vimefanya mashambulizi dhidi ya meli zaidi ya 20 za Venezuela zinazodaiwa kuwa za magendo ya dawa za kulevya katika Bahari ya Karibiani na Bahari ya Pasifiki tangu mwanzoni mwa Septemba, na kuua zaidi ya watu 80.