Rais wa Ukraine Volodymyr Zelensky amesema leo kwamba ujumbe unaoongozwa na katibu wa baraza la usalama Rustem Umerov ulikuwa njiani kuelekea Marekani kuendelea na mazungumzo kuhusu makubaliano ya kukomesha vita vya Urusi.
Umerov amepewa jukumu la kusimamia ujumbe wa Ukraine baada ya mzungumzaji mkuu wa awali, aliyekuwa mkuu wa utumishi Andriy Yermak kujiuzulu Ijumaa, saa chache baada ya wapelelezi wa kupambana na ufisadi kupekua nyumba yake.
Ukraine inakabiliwa na shinikizo kubwa kutoka Washington kukubali masharti ya makubaliano ya amani huku Zelensky akijikuta katika hali ngumu zaidi ya kisiasa na kijeshi tangu siku za mwanzo za uvamizi wa Urusi mwaka 2022.
Wakati juhudi za diplomasia zikiendelea, Urusi imeushambulia mji wa Kyiv mapema leo kwa makombora na droni na kusababisha uharibifu wa majengo na vifo.