Jeshi la Anga la Marekani limekiri kuwa ndege zake za kivita aina ya F-16 ziliandamwa na mashambulizi makali ya mitambo ya ulinzi wa anga ya Yemen wakati ndege hizo zilipokiuka anga ya nchi hiyo.
Kwa mujibu wa televisheni ya Al-Masirah, Jeshi la Anga la Marekani limekiri kwamba William Parks, kamanda wa zamani wa kikosi cha F-16, alipata matatizo wakati wa operesheni aliyotekeleza kwenye anga ya Bahari Nyekundu kwa sababu makombora ya ulinzi wa anga ya Yemen yaliripuka karibu kabisa na ndege hiyo.
Kwa mujibu wa ripoti hiyo, kamanda huyo aliingia kwenye utekelezaji wa operesheni tata baada ya kuandamwa na kimbunga cha makombora ya ulinzi wa anga ya Yemen na alinusurika chupuchupu kupoteza maisha.
Imeripotiwa pia kwamba Parks aliomba kujaza mafuta juu ya anga ya Yemen baada ya ndege yake ya kivita kupoteza kiwango kikubwa cha mafuta.
Kabla ya hapo, Jumuiya ya askari wa Jeshi la Wanamaji la Marekani ilieleza katika ripoti yake kwamba, operesheni zinazotekelezwa na Yemen katika Bahari Nyekundu zimetoa mafunzo ya kipekee katika ubunifu wa operesheni na taktiki za kijeshi zisizo za kawaida kwa jeshi la Marekani.
Licha ya kutokuwa na nguvu na uwezo mkubwa na wa kisasa katika ulinzi wa majini au angani, Wayemen wameweza kutoa changamoto kali kwa manowari za Marekani na kuzisababishia gharama kubwa…/