“Tupo tayari kutoa msaada kwenye uanzishwaji wa dola huru ya Palestina, kulingana na mipaka ya mwaka 1967,” alisema kiongozi huyo.
Zardari aliongeza kuwa Pakistan inasimama imara na wapalestina, akigusia kuwa utayari huo unaakisi tunu za haki, utu na usawa.
Kwa upande wake, Waziri Mkuu wa Pakistan Shehbaz Sharif alisema kuwa Wapalestina wamepitia udhalimu mkubwa, wakinyimwa haki zao za msingi ikiwemo kuporwa ardhi.
“Kutokana na haya, ni lazima uwepo uwajibikaji uhalifu wa kivita na mauaji ya kimbari uliofanywa na Israel dhidi ya Wapalestina, kulingana na sheria za kimataifa,” alisema Sharif.
Sharif alitoa wito wa kujiondoa kwa vikosi vya Israel katika eneo la Palestina, ikiwemo Gaza, kwani watu wa Palestina wanastahili amani ya kudumu na ustawi.”
Vikundi vya Hamas na Israel vilifikia makubaliano ya kumaliza mapigano, makubaliano ambayo yalisimamiwa na Misri, Qatar na Uturuki, chini ya usaidizi wa Marekani.
Tangu uvamizi wa Oktoba 2023, Israel imeua watu wapatao 70,000, wengi wakiwa ni wanawake na watoto, na kujeruhi zaidi ya 170,000.