Biashara ya nje ya Iran katika miezi minane ya kwanza ya mwaka huu kwa mujibu wa kalenda ya Iran ya Hijria Shamsia yaani (Kuanzia Machi 21, 2025 hadi Novemba 21 mwaka huu) imefikia tani milioni 131.054, yenye thamani ya dola bilioni 76.537.
Takwimu hii ni kwa mujibu wa data za karibuni za Idara ya Forodha ya Jamhuri ya Kiislamu ya Iran (IRICA).
Takwimu hii inainaonyesha kuwa kiwango cha biashara kimeongezeka kwa asilimia 1.53.
Katika kipindi hicho, Iran imeuza nje tani milioni 105.231 za bidhaa zenye thamani ya dola bilioni 36.997. Takwimu hii inaonyesha ongezeko la asilimia 1.17 la uzito wakati huo huo inaonyesha kushuka kwa thamani kwa asilimia 3.48 ikilinganishwa na mwaka uliopita.
Kinyume chake, uagizaji wa bidhaa ulifikia tani milioni 25.823, zenye thamani ya dola bilioni 39.540, jambo linaonyesha ongezeko la asilimia 3 la uzito.
Takwimu za karibuni za Jumuiya ya Wazalishaji Chuma ya Iran (ISPA) zinaonyesha kuwa madini ya chuma yanayouzwa nje ya nchi yameongezeka kwa asilimia 82 ikilinganishwa na miezi saba iliyopita.