Kwa mnasaba wa maadhimisho ya Siku ya Kimataifa ya Mshikamano na Watu wa Palestina, Wizara ya Mambo ya Nje ya Iran imesisitizia tena uungaji mkono usioyumba wa Jamhuri ya Kiislamu kwa wananchi madhulumu wa Palestina, ikiielezea hali yao kama “jeraha kubwa zaidi linaloungulisha dhamiri ya wanadamu.”
Katika ujumbe alioweka kwenye mtandao wa kijamii wa X, msemaji wa Wizara ya Mambo ya Nje ya Iran Esmaeil Baghaei amesisitiza kwamba Palestina inabaki kuwa “piganio tukufu la haki na mshikamano zaidi kwa walimwengu wote,” na kutilia mkazo mapambano wanayoendeleza Wapalestina wakiwa chini ya ukandamizaji wa “utawala ghasibu wa ubaguzi wa rangi wa apathaidi.”
Baghaei ameashiria hayo katika kubainisha ajenda ya miongo kadhaa ya utawala huo haramu ya utekelezaji wa ajenda hiyo chafu na kupindukia mpaka ya ubaguzi wa apathaidi dhidi ya Wapalestina, ambayo imeghairmu roho za mamia ya maelfu ya wananchi hao madhulumu, ikiwa ni pamoja vita vya kinyama vinavyoendelea vya mauaji ya kimbari katika Ukanda wa Ghaza, na kubaki bila makazi mamilioni ya Wapalestina wengine.
Aidha, katika andiko lake hilo, msemaji wa Wizara ya Mambo ya Nje ya Iran amelaani ukandamizaji na utumiaji mabavu unaoendelea unaoendelea kufanywa na utawala wa kizayuni wa Israel dhidi ya Wapalestina, na kuashiria nafasi ya Marekani na washirika wake zinavyochangia kufanikisha jinai hizo kwa kuupa kinga ya kutoadhibiwa utawala huo kwa ukatili wake huo.
Baghaei ametoa wito kwa jamii ya kimataifa kutotosheka na utoaji matamshi tu, bali kwenda mbali zaidi kwa kutimiza wajibu ilionao kisheria na kimaadili kwa kuunga mkono Muqawama na mapambano halali ya watu wa Palestina ili kukomesha ukaliwaji wa mabavu wa ardhi yao na kupata haki yao ya msingi ya kibinadamu ya kujitawala na kujiamulia mustakabali wao.
Wito umetolewa wakati wanaharakati na watu wa kawaida katika pembe mbalimbali za dunia, jana Jumamosi Novemba 29 waliadhimisha Siku ya Kimataiifa ya Mshikamano na Wapalestina kwa maandamano, kampeni za upashaji habari, na wito wa kuchukuliwa hatua madhubuti ili kukomesha ukaliaji kwa mabavu ardhi ya Palestina unaofanywa na utawala wa kizayuni wa Israel kwa uungaji mkono wa Magharibi ikiongozwa na Marekani…/
.