SIMBA inacheza mchezo wa pili wa Kundi D, Ligi ya Mabingwa Afrika dhidi ya Stade Malien ya Mali.
Katika mchezo huo, Simba ambao walipoteza mchezo wa kwanza kwa 0-1 kutoka kwa Petro Atletico wanahitaji kushinda ili kufufua matumaini ya kufuzu robo fainali, wakati Stade Malien wanahitaji ushindi ili kupata pointi nne baada ya kutoka suluhu dhidi ya ES Tunis ugenini.
Mchezo huo unatarajiwa kuwa na ushindani, kwani Simba haipaswi kupoteza mchezo ikiwa wanataka kufuzu hatua ya robo fainali, hivyo wanapaswa kuchukua tahadhari kubwa za nje na ndani ya uwanja.
Meneja Mkuu wa Simba, Dimitar Pantev alisema maandalizi yanaendelea vizuri na kusema mchezo wa leo ataanza na mshambuliaji mmoja lakini si kwa sababu wanatakiwa kutumia mbinu tofauti.
Alisema katika mchezo uliopita, alipanga kikosi bila mshambuliaji asilia lakini hawakucheza vibaya, kwani mpango wa mbinu ulikuwa mzuri