Muhammad Ali Abd-Al-Rahman mwenye umri wa miaka 76, alisimama kimya bila kuonyesha hisia wakati Jaji Mkuu Joanna Korner akisoma hukumu. Alihukumiwa miaka kati ya minane na 20 kwa kila kosa, kabla ya mahakama kutoa adhabu ya jumla ya miaka 20.
Jaji Korner alisema Abd-Al-Rahman “si tu kwamba alitoa amri zilizosababisha moja kwa moja uhalifu huo” katika mashambulizi yaliyolenga hasa watu wa kabila la Fur waliotuhumiwa kuunga mkono waasi dhidi ya serikali ya Sudan, bali pia “aliwaua baadhi kwa kutumia shoka” alilolitumia dhidi ya wafungwa.
Ingawa makosa hayo yalitendwa zaidi ya miaka ishirini iliyopita, machafuko yanaendelea kulitikisa eneo la Darfur hadi leo, yakichochewa na vita vya wenyewe kwa wenyewe vinavyoendelea nchini Sudan.