Baraza la Usalama la Umoja wa Mataifa limeidhinisha siku ya Jumanne muda wa mwaka mmoja wa ujumbe wa kulinda amani wa Umoja wa Afrika nchini Somalia, na kuuongeza hadi mwisho wa mwaka 2026.
Imechapishwa:
Dakika 1 Wakati wa kusoma
Matangazo ya kibiashara
Ujumbe wa Usaidizi na Utulivu wa AU nchini Somalia (AUSSOM) una jukumu la kusaidia vikosi vya usalama vya Somalia katika mapambano yao dhidi ya kundi la wanamgambo wa Kiislamu la Al Shabab.
“Somalia imepiga hatua kubwa tangu Baraza la Usalama lilipoidhinisha kupelekwa kwa AMISOM mwaka wa 2007,” amesema Balozi wa Uingereza katika Umoja wa Mataifa.
“Ili usaidizi wake kwa Somalia uendelee kuwa makini na wenye ufanisi, maamuzi ya Baraza lazima yaendelee kuelekezwa kwa uelewa wa kina wa muktadha wa kitaifa ambapo AUSSOM imepelekwa.” “Lakini ujumbe unahitaji ufadhili,” China ilionya.
“Upungufu wa fedha unaokabili AUSSOM kwa sasa hauwezi kudumu, na ukosefu wa ukwasi unaoikumba UNSOS ni sababu ya wasiwasi mkubwa,” alisema Sun Lei, Naibu Balozi wa China katika Umoja wa Mataifa. “China inatoa wito kwa washirika wake wa kimataifa, hasa wafadhili wa jadi, kuheshimu ahadi zao za awali na kuchukua hatua bila kuchelewa ili kupunguza matatizo ya kifedha ya dharura ya AUSSOM.”
Somalia imekuwa ikipambana na Al Shabab, kundi linalohusishwa na Al Qaeda, kwa karibu miaka 20. Ingawa wanamgambo hao wamefukuzwa kutoka miji mikubwa ya nchi hiyo, bado wanadhibiti baadhi ya maeneo ya vijijini na wameweza kuteka tena maeneo yaliyokombolewa hapo awali.