Vituo vya kupigia kura katika jiji kuu la Abidjan vilifunguliwa kuchelewa kwa takriban saa moja kutokana na mvua kubwa. Chama cha Ouattara, RHDP, kina wingi wa viti katika bunge lenye jumla ya viti 255.
Miongoni mwa wagombea wa chama hicho katika uchaguzi ni pamoja na Waziri Mkuu Robert Beugre Mambe na Tene Birahima Ouattara, ndugu wa rais ambaye pia ni waziri wa ulinzi.
Mwezi Oktoba, Ouattara alishinda muhula wa nne kwa karibu asilimia 90 ya kura zilizopigwa katika uchaguzi ambao viongozi wengi wa upinzani walizuiwa kushiriki. Watu 11 walikufa katika machafuko ya baada ya uchaguzi, na makumi ya wafuasi wa upinzani walikamatwa.
Chama cha PPA-CI cha rais wa zamani Laurent Gbagbo, ambaye alizuiwa kugombea urais kutokana na hukumu ya jinai, kilisusia uchaguzi wa wabunge. Hata hivyo, takriban wanachama 20 wa chama hicho wanagombea ubunge.