#HABARI: Mwaka 2025 umekuwa wa mafanikio makubwa kwa Shirika la Umeme Tanzania (TANESCO), ambapo kaulimbiu ya “Mpango Umewezekana” imetafsiriwa kwa vitendo kupitia kuimarika kwa hali ya upatikanaji wa nishati nchini. Kupitia utekelezaji madhubuti wa miradi ya kimkakati ya uzalishaji na usambazaji, TANESCO imefanikiwa kukidhi mahitaji yanayokua ya nishati, jambo lililopelekea kuimarika kwa uchumi wa viwanda na maendeleo ya kijamii kwa Watanzania wote.
Katika kufanikisha azma hiyo, shirika limeweka nguvu kubwa kwenye maboresho ya huduma kwa wateja na mifumo ya kidijitali, hatua iliyopunguza muda wa kushughulikia changamoto na kuongeza ufanisi wa utendaji. Uwekezaji katika miundombinu ya kisasa umesaidia kupunguza upotevu wa umeme na kuhakikisha kuwa nishati inafika kwa walaji kwa uhakika na usalama zaidi, huku miradi ya nishati jadidifu ikiongeza wigo wa vyanzo vyetu vya umeme.
Kwa TANESCO, kufika hapa ni kielelezo cha dhamira yetu ya dhati ya kuyaangaza maisha ya Watanzania. Tunaendelea kujipanga vyema ili kuhakikisha kuwa huduma bora tunazozitoa sasa zinakuwa endelevu, tukiendelea kuwa uti wa mgongo wa maendeleo ya taifa letu na mshirika muhimu katika safari ya kuelekea Tanzania yenye nuru na maendeleo ya kudumu.
Powered by #MCHEZOSUPA
JINSI YA KUSHIRIKI MCHEZO SUPA:
–
Tuma 1000 kupitia Airtel Money, Tigo Pesa, M – Pesa, Halopesa, kwenda namba ya kampuni 222223 kumbukumbu namba ni 777 au weka neno ITV.
#ITVDigital #ITVUpdates #ITVTanzania
Follow @itvtz @radioonetanzania
@capitaldigitaltanzania.