Katibu Mkuu wa Umoja wa Mataifa António Guterres, siku ya Ijumaa, Januari 2, ameitaka Israel ibadilishe uamuzi wake wa kupiga marufuku mashirika mengi ya kimataifa ya kibinadamu kuingia Ukanda wa Gaza, kulingana na taarifa kutoka kwa msemaji wake.
Imechapishwa:
Dakika 1 Wakati wa kusoma
Matangazo ya kibiashara
Antonio Guterres, “akiwa na wasiwasi mkubwa na tangazo la mamlaka ya Israel la kusitisha shughuli za mashirika kadhaa ya kimataifa yasiyo ya kiserikali katika maeneo ya Palestina yanayokaliwa,” “anataka hatua hii ibadilishwe, mara moja” amesema Stéphane Dujarric.
Mashirika haya ya kimataifa “ni muhimu kwa kazi muhimu ya kibinadamu, na kusitishwa kwa shughuli zao kuna hatari ya kudhoofisha maendeleo dhaifu yaliyopatikana wakati wa makubaliano ya usitishaji mapigano” huko Gaza, ameongeza.
Antonio Guterres anabainisha mashirika haya ni “muhimu kwa kazi muhimu ya kibinadamu” katika eneo la Palestina. Baadhi ya mashirika yasiyo ya kiserikali yana wasiwasi kuhusu marufuku inayoweza kupigwa hadi Ukingo wa Magharibi.
“Tangazo hili linakuja kujiongeza kwenye vikwazo vya awali ambavyo tayari vimepunguza kasi ya kuingia kwa chakula, vifaa vya matibabu na usafi huko Gaza. Uamuzi huu wa hivi karibuni utazidisha zaidi mgogoro wa kibinadamu unaowakabili Wapalestina,” Bw. Guterres amesema.
Marufuku iliyohalalishwa kwa madhumuni ya “usalama”
Siku ya Alhamisi Israel ilibainisha kwamba inazuia mashirika 37 makubwa ya kimataifa ya kibinadamu kuingia Ukanda wa Gaza, ikiyashutumu kwa kushindwa kutoa orodha ya majina ya wafanyakazi wao, ambayo sasa inahitajika rasmi kwa sababu za “usalama”.