Nchini Kenya, Waziri wa Afya amejibu kwa hasira baada ya kuchapishwa kwa ujumbe ambapo nabii aliyyejitangaza anadai kwamba kanisa lake limewaponya watu 30 wanaoishi na VVU. “Masuala ya afya […] lazima yabaki imara katika sayansi, maadili, na ushahidi wa kimatibabu,” anaonya David Owuor.
Imechapishwa:
Dakika 1 Wakati wa kusoma
Matangazo ya kibiashara
Na mwandishi wetu jijini Nairobi, Gaëlle Laleix
Nchini Kenya, utata umeashiria mwanzo wa mwaka: Waziri wa Afya Aden Duale alizungumza siku ya Jumapili, akitoa wito kwa dini mbalimbali kujiepusha na masuala ya afya.
Kauli hii inafuatia tangazo la Dkt. David Owuor, nabii aliyejitangaza, ambaye anadai kuwaponya watu wanaoishi na VVU, wakati wa mkutano mnamo Desemba 30 na 31.
“Ni aibu kusema kwamba VVU ni vigumu sana kwa Yesu kuidhibiti.” Mamia ya maelfu walikusanyika Nakuru, kilomita 150 kaskazini magharibi mwa Nairobi, kumsikiliza David Owuor, mwanzilishi wa “Kanisa la Toba na Utakatifu.” Mkutano huu wa kila mwaka unajulikana kama “huduma kuu ya uponyaji.”
Mwaka huu, David Owuor alikwenda mbali zaidi: katika taarifa iliyotolewa siku ya Jumapili, kanisa lake lilidai kwamba watu 30 wanaoishi na VVU wamepona. Hii ilimkasirisha Waziri wa Afya Aden Duale, ambaye alirudia kwamba “masuala ya kiafya […] lazima yabaki imara katika sayansi, maadili, na ushahidi wa kimatibabu.”
Waziri huyo alitoa wito kwa chama cha Madaktari nchii Kenya, ambacho pia hufanya kazi kama chombo kilichobobea, kuwachunguza wataalamu wanaoshuhudia uponyaji wa kimiujiza wa nabii huyo aliyejitangaza. “Ninaona ni aibu kufikiria kwamba VVU itakuwa vigumu sana kwa Yesu kudhibiti,” Dkt. Rerimoi Kibet, mtaalamu mkuu katika Hospitali ya Chuo Kikuu cha Moi huko Eldoret, alitangaza kwa hasira kwenye mtandao wa kijamii wa X.
Katika taarifa, Dkt. David Kariuki, kiongoziwa chama cha madaktari, hajasita kutoa “vikwazo” kwa baadhi ya wafanyakazi wenzake ambao anawashutumu kwa “kuwapotosha watu walio katika mazingira magumu na kuwazuia kutafuta matibabu yanayofaa.”