Wakimbizi zaidi ya 50 waliokimbia machafuko katika nchi yao ya Jamhuri ya Kidemokrasia ya Congo, wamepoteza maisha wakiwa kambini, katika nchi jirani ya Burundi.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Shirika la Umoja wa Mataifa, linaloshughulikia wakimbizi limesema, watu 53 wamefariki dunia, 25 yao wakifariki kutokana na maambukizi ya ugonjwa wa kipindupindu.
Wengine waliambukizwa ugonjwa wa anemia na changamato za utapiamlo.
Umoja wa Mataifa unasema, unashirikiana na Wizara ya afya na washirika wake ili kuchunguza zaidi kuhusu vifo hivyo na kuzuia maambukizi mengine yanayoweza kutokea.
Serikali ya DRC inasema inafuatilia kwa karibu kinachotokea kwa raia wake nchini Burundi, na inafanya jitihada za kuwapelekea chakula, dawa na mahitaji mengine muhimu.
Utovu wa usalama Mashariki mwa DRC hasa Kivu Kusini, umeendelea kuwa mbaya tangu mwezi Desemba, baada ya waasi wa M23 kuuchukua mji wa Uvira na kusababisha Wakongomani zaidi ya 100,000 kukimbilia nchini Burundi.