Serikali ya Burkina Faso imetangaza siku ya Alhamisi, Januari 29, 2026, kuvunjwa kwa vyama siasa. Baraza la Mawaziri lilipitisha amri kwa hili.
Imechapishwa: Imehaririwa:
Dakika 1 Wakati wa kusoma
Matangazo ya kibiashara
Serikali inabaini kwamba kuongezeka kwa vyama vya siasa kumesababisha dhuluma, na kukuza mgawanyiko miongoni mwa raia na kudhoofisha mfumo wa kijamii.
Utawala wa kijeshi wa Burkina Faso unasema uamuzi huo ni sehemu ya juhudi pana za “kuijenga upya dola”, ukidai kwamba mfumo wa vyama vingi ulikuwa unatumika vibaya na kushindwa kufanya kazi ipasavyo.
Kulingana na Mamlaka za Maeneo na Uhamaji, Émile Zerbo, “uamuzi huu mkubwa na muhimu ni sehemu ya mageuzi ya Serikali na unafuata uchambuzi wa kina wa mfumo wa chama, ambao ulifichua dhuluma nyingi katika matumizi ya mfumo wa kisheria unaosimamia vyama vya kisiasa.”
Wanaharakati wanasema hatua kama hizo zimelenga uhuru wa raia na upinzani tangu mamlaka ya kijeshi ilipochukua mamlaka katika mapinduzi ya 2022.
Shughuli za vyama vya siasa kwa muda mrefu zimezuiwa chini ya utawala wa kijeshi na amri hiyo inataka mali za vyama hivyo kuhamishiwa serikalini, limearifu shirika la habari la serikali.